prospering communications international

ПАСЛУГІ

PRCI прапануе інтэграваныя рашэнні ў галіне камунікацый

СУВЯЗІ З ГРАМАДСКАСЦЮ

Мы верым, што эфектыўныя камунікацыі дапамагаюць кампаніям і брэндам стаць бліжэй і да спажыўцоў, і да сваіх супрацоўнікаў. Пастаянны аналіз трэндаў і найлепшых практык дазваляе нам выкарыстоўваць у працы самыя эфектыўныя PR-інструменты. Маніторынг і аналіз працоўнага працэсу і вынікаў дазваляе нам максімальна інтэграваць пажаданні і каментарыі нашых кліентаў у нашы стратэгічныя праграмы.

PRCI актыўна ўдзельнічае ў працы міжнародных арганізацый у галіне PR як у Беларусі, так і за мяжой. Гэта азначае, што нам даступныя замежныя кейсы і напрацоўкі. Мы дапамагаем нашым кліентам ацаніць усе магчымасці камунікацыйных інструментаў і платформ з пункту гледжання развіцця бізнесу, выбраць найлепшыя і эфектыўна ўкараніць іх.

ШТО МЫ РОБІМ?

  • Ствараем стратэгіі камунікацый (B2B, B2C, унутрыкарпаратыўныя камунікацыі)
  • Распрацоўваем унікальныя канцэпцыі працы з грамадскай думкай і стратэгіі іх рэалізацыі
  • Фарміруем аптымальную для кліента сетку каналаў для камунікацый са спажыўцамі і рэферэнтнымі групамі (СМІ, Інтэрнэт, мерапрыемствы)
  • Праводзім папярэдні аўдыт каналаў камунікацыі, якія існуюць у кампаніі
  • Ажыццяўляем рэалізацыю ўсіх этапаў стратэгіі альбо кансультуем кліентаў па пытаннях укаранення стратэгіі

АНТЫКРЫЗІСНЫЯ КАМУНІКАЦЫІ

PRCI дапамагае кампаніям прагназаваць і прадухіляць складаныя сітуацыі. Якасная антыкрызісная падтрымка дапаможа пазбегнуць недаверу супрацоўнікаў да кампаніі, выключыць інфармацыйны вакуум, а праактыўная пазіцыя ў знешніх камунікацыях дазволіць абараніць ваш бізнес ад вонкавых пагроз.

ШТО МЫ РОБІМ?

  • Праводзім камунікацыйны аўдыт і вызначаем унутраныя і знешнія пагрозы кампаніі
  • Фарміруем праграмы антыкрызіснага рэагавання
  • Кансультуем кіраўніцтва кампаній і аддзелы камунікацый па пытаннях антыкрызіснага рэагавання
  • Укараняем сістэмы папярэджання і мінімізацыі іміджавых і інфармацыйных рызык

КАРПАРАТЫЎНАЯ САЦЫЯЛЬНАЯ АДКАЗНАСЦЬ

Сацыяльныя і культурныя праекты з’яўляюцца для бізнесу ўнікальнай магчымасцю зрабіць свой унёсак ў развіццё грамадства. Галоўная ўмова поспеху КСА-праекту – зацікаўленасць усіх супрацоўнікаў кампаніі, яркая місія і ідэя.

PRCI не толькі распрацоўвае праграмы КСА, але і інтэгруе ідэі карпаратыўнай сацыяльнай адказнасці ў стратэгіі развіцця кампаній, фарміруючы праграмы крос-сектарнага супрацоўніцтва.

ШТО МЫ РОБІМ?

  • Распрацоўваем праграмы КСА з улікам мэтаў і задач вашага бізнесу
  • Аказваем інфармацыйную падтрымку праграмам КСА
  • Укараняем праграмы КСА ў карпаратыўную культуру кампаній
  • Праводзім маніторынг вынікаў праграмы

DIGITAL

Што такое медыя сёння? Гэта не толькі звыклыя для нас СМІ. Прысутнасць у digital-прасторы робіцца стратэгічнай задачай для кожнай кампаніі, бо аўдыторыя Інтэрнэту расце з кожным днём.

PRCI дапамагае кампаніям развіваць і запускаць digital-праекты, якія спрыяюць рэалізацыі стратэгічных мэтаў і паляпшаюць якасць прысутнасці анлайн. Мы імкнёмся ўцягваць спажыўцоў ва ўзаемадзеянне з брэндам, ствараць унікальны карыстальніцкі досвед і доўгатэрміновы эфект.

ШТО МЫ РОБІМ?

  • Ствараем digital-стратэгіі (прасоўванне кампаній праз сацыяльныя сеткі і ў сетцы Інтэрнет), у тым ліку мультымедыйны кантэнт (інфаграфіка, інтэрактыўныя мабільныя праграмы).
  • Кансультуем адносна прававых пытанняў у галіне сацыяльных медыя.
  • Максімізуем digital-уздзеянне.

НАВУЧАННЕ

Каманда PRCI гатовая не толькі ствараць стратэгіі камунікацый для вашага бізнесу. Нашы прафесіяналы валодаюць вялікім досведам правядзення майстар-класаў, семінараў і інтэнсіваў па такіх стратэгічна значных задачах, як камандная праца, вызначэнне місіі кампаніі, распрацоўка карпаратыўнай стратэгіі камунікацыі і многіх іншых кірунках.

ШТО МЫ РОБІМ?

  • Распрацоўваем праграмы адукацыйных мерапрыемстваў для кампаніі
  • Праводзім майстар-класы і інтэнсівы па каманднай працы
  • Рыхтуем праграмы публічных лекцый з удзелам кіраўніцтва і экспертаў кампаній
  • На рэгулярнай аснове самастойна праводзім дзелавыя сустрэчы і семінары для развіцця галіны
  • Асабісты коўчынг першых асоб (публічныя выступы, стратэгічнае планаванне)
  • Ствараем і навучаем аддзелы камунікацый “пад ключ”

АРГАНІЗАЦЫЯ МЕРАПРЫЕМСТВАЎ

З кожнага мерапрыемства мы робім падзею. Не мае значэння, ідзе гаворка пра карпаратыўнае свята, афіцыйную прэс-канферэнцыю, музычны фестываль ці прыватны юбілей. Кожнае такое мерапрыемства можа стаць яскравай падзеяй для тых, хто на яго запрошаны і дзеля каго яно праводзіцца.

Калі ў пяці папярэдніх агенцтвах вам сказалі, што вашы пажаданні нерэальныя, а задумку немагчыма выканаць, то на гэты раз вы прыйшлі па адрасе! Для нас амаль няма нічога немагчымага. Мы з энтузіязмам і натхненнем бяромся за рэалізацыю самых неверагодных і шалёных ідэй, прычым умеем і гатовыя працаваць ва ўмовах жорсткага дэдлайну.

Якасна, аператыўна, натхнёна – тры прынцыповыя падыходы, якіх мы трымаемся ў нашай працы.

ШТО МЫ РОБІМ?

  • Распрацоўваем канцэпцыі карпаратыўных мерапрыемстваў, фестываляў, канферэнцый
  • Рэалізуем мерапрыемствы любога ўзроўню складанасці
  • Арганізуем дабрачынныя акцыі для кампаній

КОМПЛЕКСНЫЯ ПРАПАНОВЫ

Цікава? Пішыце, і мы з задавальненнем зробім вам прапанову!

ЗВЯЖЫЦЕСЯ З НАМІ